રેસિપી કૉન્ટેસ્ટ : મળી લો આજના વિનર્સને...

આજે વાંચો ગોંદ કતીરા ફાલૂદા (સમર ડ્રિન્ક - ડિઝર્ટ), કોરોના બૉલ્સ વિથ મીઠા લીમડાની ચટણી અને કાજુ મૅન્ગો રોલની રેસિપી વિશે

રેસિપી કૉન્ટેસ્ટ

ગોંદ કતીરા ફાલૂદા (સમર ડ્રિન્ક - ડિઝર્ટ)

પૂજા અમિત મોદી, કાંદિવલી વેસ્ટ

ADVERTISEMENT

સામગ્રી : ગોંદ કતીરા ૧ ચમચો, તકમરિયાં (સબ્જા સીડ્સ) ૧ ચમચો, દૂધ ૧ લીટર, સાકર પા કપ, મિલ્ક પાઉડર પા કપ, કાજુ-બદામ-પિસ્તાં-કિસમિસ-ટુટીફ્રૂટી થોડી, રોઝ સિરપ બે ચમચી, ફાલૂદા સેવ, કૉર્નફ્લોર અડધો કપ, રોઝ પૅટલ થોડી, ચેરી
રીત : ગોંદ કતીરા અને તકમરિયા ૧ કલાક અલગ-અલગ પલાળવાં. ફાલૂદા સેવ બનાવવા માટે એક પૅનમાં દોઢ કપ પાણી નાખી એ પાણીમાં કૉર્નફ્લોર ઓગાળી ગરમ કરવું. મિશ્રણ પૅન છોડે ત્યાં સુધી ઘટ્ટ થવા દેવું અને ગરમ જ સંચામાં ભરી ઠંડા પાણીમાં સેવ પાડીને ફ્રિાજમાં ૧ કલાક રાખવું. દૂધમાં સાકર, મિલ્ક પાઉડર નાખી ઉકાળીને ઠંડું થવા દેવું. તૈયાર થયેલા દૂધને બહાર કાઢી એક ગ્લાસમાં રોઝ સિરપ, ગોંદ કતીરા, તકમરિયાં, ફાલૂદા સેવ, થોડાં કાજુ-બદામ-પિસ્તાં-કિસમિસ નાખી રેડી ઉપર ફરીથી ડ્રાયફ્રૂટ ચેરી, ટુટીફ્રૂટી, રોઝ પૅટલ નાખી તૈયાર કરવું. 
ખાસિયત : ગરમીમાં ગોંદ કતીરા અને તકમરિયાં ખૂબ ઠંડક આપે છે. આ ગોંદ કતીરા તકમરિયાં ખાસ ગરમીની સીઝનનું પીણું છે. 

કોરોના બૉલ્સ વિથ મીઠા લીમડાની ચટણી

કોરોના બૉલ્સ વિથ મીઠા લીમડાની ચટણી - કસ્તૂર રામજી વીરા, ઘાટકોપર ઈસ્ટ

કાજુ મૅન્ગો રોલ

કાજુ મૅન્ગો રોલ - જાગૃતિ જગદીશ જોષી, ભાઈંદર ઈસ્ટ

સામગ્રી : કાજુ ૫૦ ગ્રામ, ખાંડ ૨૫ ગ્રામ, મૅન્ગો પલ્પ ૫૦ ગ્રામ, ખાંડ ૨- ચમચી (અથવા તો સ્વાદ પ્રમાણે કે પછી કેરીમાં મીઠાશ હોય એ પ્રમાણે), કેસર ૧૦થી ૧૫ તાંતણા, ઘી ૨-૩ ચમચી, દૂધનો પાઉડર ૩-૫ ચમચી
બનાવવાની રીત: સૌથી પહેલાં કાજુનો પાઉડર કરી એને સારી રીતે ચાળીને રાખવો. એક પૅનમાં ખાંડ નાખી એમાં ખાંડ ઓગળે એટલું જ પાણી નાખી હલાવવું. ચાસણી નથી બનાવવાની, ફક્ત ખાંડ ઓગળે અને એક ઊભરો આવે એટલે કાજુ પાઉડર નાખી સતત હલાવતા રહેવું. ૪થી ૫ મિનિટમાં એક ગોળા જેવું તૈયાર થશે. ગૅસ પરથી ઉતારીને પણ ઠંડું થાય ત્યાં સુધી હલાવતા રહેવું. ત્યાર બાદ એક ચમચી ઘી નાખી સરખું હલાવી ચોરસ સર્ફેસ પર પાથરીને વેલણથી વણી લેવું.
હવે મૅન્ગોનું ફિલિંગ તૈયાર કરવા માટે એક પૅનમાં મૅન્ગો પલ્પ નાખી સતત હલાવવું. થોડું ગરમ થાય એટલે એમાં બેથી ત્રણ ચમચી ખાંડ નાખીને ઘટ્ટ થાય ત્યાં સુધી હલાવવું. થોડું ઘટ્ટ થઈ જાય એટલે એમાં દૂધનો પાઉડર નાખો. સતત હલાવતા રહેવું. ૧૦ થી ૧૫ મિનિટમાં ઘટ્ટ થઈ જશે. પછી ૧ ચમચી ઘી નાખવું અને એકરસ કરી દેવું. ગૅસ બંધ કરો, પલ્પ ઠંડો થઈ જાય એટલે કાજુના મિશ્રણ ઉપર સારી રીતે સરખો પાથરી દો. ૧૦થી ૧૫ મિનિટમાં સેટ થઈ જશે. સેટ થઈ જાય એટલે રોલ વાળી લેવા અને નાની સાઇઝમાં કટ કરીને ઉપર કેસરથી ગાર્નિશ કરીને સર્વ કરવું. 
ટિપ : આ મીઠાઈને હેલ્ધી બનાવવા માટે બ્રાઉન શુગરનો ઉપયોગ કરી શકો છો.